大喜屋 (已結業)

大喜屋及集團其下既食物水準質數總比我感覺有保証,每次食都無不滿之處,無漏單上菜快,價錢又親民,果然好野!刺身好新鮮,長腳蟹腳同東風螺較特別!甜蝦好鮮甜,因為夠新鮮所以好放心大大啖吸吮蝦頭,甘香既蝦膏令人回味,極至享受!蟹籽沙律好清新!好足料既人蔘雞湯,出奇地人蔘味超濃郁,甘甘苦苦,好滋味燒元貝,芝士同元貝味道好夾!芝士好邪惡,總有種魔力令人食完又想食停唔到口!燒菠蘿,燒到兩面岩岩好燶燶地,酸酸甜甜好醒胃!天婦羅茄子,粉漿薄而不厚,入口都唔會覺得好油膩!奶凍好細滑好好味!個榴蓮糯米糍真係好重榴蓮香,直情食完陣榴蓮香都係口裏面迴盪!