影片
更多
2013-04-02
36 浏览
女朋友想食放題，原本就諗住前一日去荃灣漁屋，因為有啲事去唔到，結果呢一日就揀去呢間Bubbles食。見到八點後入座，每位價錢平$30以防萬一，決定食八點鐘。食之前嗰個下晝先book枱，亦都好容易book到。準時去到，見到紅日都坐唔滿，估計平日嘅客流唔會多過紅日。坐低之後再望，高樓底加上落地大玻璃格局，場中間半圓型吧枱，再加埋啲燈光，完全係一個食中高檔西餐嘅環境。而我哋坐住個卡位，正正就對住部大電視，真係啱晒一啲電視精之餘，又冇破壞到整個場嘅氣氛！食物選擇分面，呢間舖分咗五類：刺身壽司、軍艦手卷、燒物一品、揚物，同埋期間限定。老實說，每類嘅選擇一定唔夠其它平價放題嘅多，三文魚吞拿魚會有，海膽或者三文魚籽就未有提供。不過特別啲嘅好似旗魚咁都有得食。第一輪叫咗車厘茄沙律、芥茉墨魚軍艦、鰻魚芝士壽司、反卷、帶子貝、燒安格斯牛、燒車厘茄等。不過只有帶子貝鮮味十足，其餘只屬正常水平；燒芝士玉子同埋車厘茄沙律就不過不失；燒安格斯牛同埋燒車厘茄就遜色咗啲。同埋見到啲碟咁精緻，叫嘅份量可以再進取啲。第二輪叫咗甜蝦、玉子壽司、蟹籽軍艦、吞拿魚軍艦、三文魚、螺肉、旗魚、三文魚反卷、日式炒雜菜、燒牛舌、燒雞軟
見到八點後入座，每位價錢平$30以防萬一，決定食八點鐘。食之前嗰個下晝先book枱，亦都好容易book到。
準時去到，見到紅日都坐唔滿，估計平日嘅客流唔會多過紅日。坐低之後再望，高樓底加上落地大玻璃格局，場中間半圓型吧枱，再加埋啲燈光，完全係一個食中高檔西餐嘅環境。而我哋坐住個卡位，正正就對住部大電視，真係啱晒一啲電視精之餘，又冇破壞到整個場嘅氣氛！
食物選擇分面，呢間舖分咗五類：刺身壽司、軍艦手卷、燒物一品、揚物，同埋期間限定。老實說，每類嘅選擇一定唔夠其它平價放題嘅多，三文魚吞拿魚會有，海膽或者三文魚籽就未有提供。不過特別啲嘅好似旗魚咁都有得食。
第一輪叫咗車厘茄沙律、芥茉墨魚軍艦、鰻魚芝士壽司、反卷、帶子貝、燒安格斯牛、燒車厘茄等。不過只有帶子貝鮮味十足，其餘只屬正常水平；燒芝士玉子同埋車厘茄沙律就不過不失；燒安格斯牛同埋燒車厘茄就遜色咗啲。同埋見到啲碟咁精緻，叫嘅份量可以再進取啲。
第二輪叫咗甜蝦、玉子壽司、蟹籽軍艦、吞拿魚軍艦、三文魚、螺肉、旗魚、三文魚反卷、日式炒雜菜、燒牛舌、燒雞軟骨等。同埋壽司類都只屬正常水平；三文魚厚切就好難唔好食；但係其它魚類刺身嘅肉質就較削；螺肉鮮味突出；甜蝦反而喜出望外，有啲爽口同埋夠甜，好似食泰式生蝦咁；特別要講嘅係旗魚，即係下圖三文魚刺身左上方嗰兩塊嘢，紫紅色魚肉好怪相，食落啲肉唔似其它魚類刺身咁削，但係啲味鹹鹹哋，魚皮較韌，好似食馬友咁，放題者可以一試；日式炒雜菜就炒得幾入味。
燒肉串亦都唔係咁出色，反而見人叫燒粟米咁，我哋又跟住叫，又真係唔差。之後再叫燒甜薯亦都唔係甜到漏嗰隻，味道適中。
天婦羅就叫咗一件魚同埋一份茄子。呢檔天婦羅好在炸粉夠薄身，唔係嗰啲見到都漏嗰種，不過又係啲肉唔突出，反而茄子就正！服務方面，落單後到上枱嘅時間最耐都係三個字，主要係燒物耐啲，其餘最快三分鐘上枱！漏單情況極低，係嚟少咗一碟。斟茶收碟做得幾密，各待應介紹亦都可清楚，亦都真係好有禮貌同埋冇嗰種催三催四嘅壓迫感。埋單嘅時候亦有雪糕贈送。同待應傾咗幾句，得悉同灣仔店同系，不過灣仔店就更貴（嘩！呢間都唔算平），選擇會再多一啲；同埋佢哋話呢間係啱啱新開，有好多嘢仍然改進緊，包括個價目表，咁我希望下次再幫襯嘅時候，會有喜出望外嘅收鑊！
张贴
