影片
更多
2010-05-16
18 浏览
荃灣一個舊式小商場角落，有一個隱蔽小店，入面有一對熱情有禮，經常面露親切笑容嘅夫婦，默默做出香噴噴又有特色嘅熱狗。論服務態度同食物質素，呢間就係我今次真心推介嘅...熱狗之家熱狗之家位於荃灣華都中心地下一個角落，如果未聽過華都中心？咁荃豐中心就應該聽過喇掛！華都中心就係荃豐隔離，落到地下近惠康超市附近，唔算好難搵，但小店就真係唔太起眼，大家要認住喇～！小店入面係無座位，只有細細嘅廚房同埋放左一面增加空間感嘅掛鏡同埋嘅各種木製小擺設，老板娘笑住話小擺設可以令人有家嘅感覺，聽起上黎都覺得好溫暖...店仔細細款式多多，呢度嘅熱狗款式真係好多元化，全部係由老細阿黃花左好多心機研究出黎 。睇個餐牌都搞到我花多眼亂，一時間都唔知食乜好，於是老細就介紹幾款名物俾我選擇...阿黃香辣芝士狗($48套餐) - 足足7吋長嘅熱狗即叫即做，絕對熱辣辣，除左香辣燒烤腸外，上面仲有辣磨菇鮮茄蓉，車打芝士，份量驚人，外型上先贏得分數...切開熱狗包兩邊，熱辣辣嘅車打芝士早已跟熱狗腸打得火熱，混埋一齊特別美味。而包身就烘得外脆內軟，食落唔會太乾身，加埋醬汁絕對係好味到爆，怪不得老細將佢定為signature啦～！愈
熱狗之家位於荃灣華都中心地下一個角落，如果未聽過華都中心？咁荃豐中心就應該聽過喇掛！華都中心就係荃豐隔離，落到地下近惠康超市附近，唔算好難搵，但小店就真係唔太起眼，大家要認住喇～！
小店入面係無座位，只有細細嘅廚房同埋放左一面增加空間感嘅掛鏡同埋嘅各種木製小擺設，老板娘笑住話小擺設可以令人有家嘅感覺，聽起上黎都覺得好溫暖...
店仔細細款式多多，呢度嘅熱狗款式真係好多元化，全部係由老細阿黃花左好多心機研究出黎 。睇個餐牌都搞到我花多眼亂，一時間都唔知食乜好，於是老細就介紹幾款名物俾我選擇...
阿黃香辣芝士狗($48套餐) - 足足7吋長嘅熱狗即叫即做，絕對熱辣辣，除左香辣燒烤腸外，上面仲有辣磨菇鮮茄蓉，車打芝士，份量驚人，外型上先贏得分數...
切開熱狗包兩邊，熱辣辣嘅車打芝士早已跟熱狗腸打得火熱，混埋一齊特別美味。而包身就烘得外脆內軟，食落唔會太乾身，加埋醬汁絕對係好味到爆，怪不得老細將佢定為signature啦～！
愈食愈唔夠喉，在餐牌上面搵到一個同之前完全唔同類型嘅熱狗，就係呢隻芥香玉子沙拉熱狗，套餐盛惠$25連飲品，都幾抵食！
芥香玉子沙拉熱狗嘅醬汁其實係青芥辣香味蛋沙律，上面再加上海苔碎同黑白芝蔴，香味四溢，食落開胃醒神，同阿黃芝士狗完全唔同感覺，勁掂！
跟餐要左杯有機草莓奶昔，口感好滑溜，味道亦清新，整體感覺同去Triple O's飲士多啤梨奶昔差唔多，不過呢度就相對地無咁甜，感覺好舒服好健康～！加上老闆夫婦招呼極好，令我印象分大增，下次再黎，一定要試多幾款熱狗先～！
张贴
