富士山 (已結業)

打開餐牌選擇好多真係揀咗好耐有串燒、壽司、丼飯、手卷、熟食、炸物等等。最後揀咗富士山丼，有好多唔同款嘅魚生有海膽、三文魚、帶子、熟蝦、墨魚、牡丹蝦、吞拿魚、三文魚籽及和牛。小食叫咗炸雞軟骨，炸雞軟骨有好多粒，有咬口，好香脆，仲有沙律醬。串燒叫咗秋葵蝦，賣相唔錯，用秋葵包住蝦燒，味道唔錯。燒牛舌夠香，我覺得幾好食，串燒反而唔錯。清酒煮蜆，蜆夠鮮甜，湯底有少許清酒味，但唔會太濃，幾好味。晚市有九折優惠。