Kampoeng

营业中

休息中

呢兩日天氣咁鬼熱, 食咩都好似無胃口, 朋友提議去食東南亞菜, 因為夠醒胃, 於是我們來到位於銅鑼灣一個地下鋪, 是間食印尼菜的餐廳, 因為泰菜我們都食得多, 但印尼菜好似從來都沒食過, 所以我們選擇呢間食.這餐廳的菜式選擇都頗多, 餐牌上樣樣嘢睇上去都好似好吸引, 好想食! 好快我們已落了order, 第一道上枱的菜叫巴東牛肉, 我知道這道菜是印尼的名菜, 所以特登叫了呢味來食下, 果然是名不虛傳, 這巴東牛肉炆得好林, 炆到醬色的牛肉大大舊, 而且香、味俱全, 每啖牛肉都食到好多東南亞特有的香料的味道, 有香茅, 香葉等等, 味道仲辣辣地, 超好食, 這味巴東牛肉送飯簡直係一流, 食了這個巴東牛肉, 即刻打開了我們的胃口, 令味蕾不斷在口腔中翻動, 非常期待下一道菜.跟住上來的是蕉葉燒魚, 當我們將一層層的蕉葉撥開,見到一條長長的魚用辣椒及香料包裹住, 撥開的辣椒切開的魚肉來食, D魚肉入晒味, 咸咸地辣辣地, 但不是太辣, 魚肉好惹味好好食! 仲有印尼炒飯, 粒粒米飯都炒得色澤均勻, 又香又辣, 食完仲想食! 就連通菜都是炒得格外好食, 通菜少少辣好惹味, D菜又嫩又滑,好好食!