四季良晨 (新都城中心) (已結業)

聽聞新都城開咗間新食店，今日終於約到飯腳一齊去食下～要搵又唔太難，做個招牌好醒目，＂四季良晨＂除咗係食店外，其實仲有一個位置專買茶飲～既可吃東西果腹，也可嘆杯台式茶傾計談心～呢間食店行文青路線，處處花花草草盆栽～好多小品擺設，仲有一大排書櫃～喺度食好書卷文青feel，份外舒服～而且佢係半自助式餐廳，入座後會有一號碼給予～然後選好心儀食物後就去收銀講抬號落order隨後店員送到其枱號～我地叫咗一飯一麵，三拼牛肉飯定食內有腱心牛肉，牛腩同牛丸，跟白飯同上湯時菜中意鹵肉飯可以加＄6轉鹵肉飯～腱心同牛丸都好爽口，牛腩肥瘦分明且炆得好腍滑，牛味好出，喜歡吃牛的可選這個～個鹵肉飯一D都唔肥膩，但又唔會柴口，香濃入味而麵就叫咗新出嘅清燉滷水豬手酸菜肉絲麵，加錢要辣湯～我揀咗大辣，用消燉嚟鹵豬手好少見～不但清甜入味，又腍又滑，仲毫無肥膩feel～酸菜肉絲夾麻辣吃得好過癮～個麵較幼細，入口順滑～我仲叫咗個幾特別嘅小食，桂花雞翼，係炸物而且炸得超級脆，點埋個糖水桂花汁，味道更升華，桂花雞亦禮成既然有個茶飲櫃位，㸃能夠唔飲～穩陣起見叫咗杯香濃珍珠奶茶同大熱黑糖珍珠鮮奶茶香奶滑，甜度拿捏得幾好，珍珠也軟硬適中