士林·便丼達人 (帝城大廈) (已結業)

老公今日放假，佢話好多嘢做唔得閒出街食，所以我買咗台灣便當返屋企畀佢做晚餐。見到謝斐道開咗間士林便當達人，望落幾正宗，價錢吾貴，買返去試下先。店舖有少量座位可以堂食，店員亦有禮。叫咗二人暖身麻油雞湯煲$1 1 8 ，2人餐包兩罐飲品，兩碗白飯，套餐仲包埋成套煲具配件，有煲又有燃料，屋企都食到熱辣辣嘅雞煲。另外仲叫咗一份三星醬爆貢丸$20，同香蒜味台灣腸（$14/條）。呢兩款夜市小吃我哋最喜歡，味道真係同當地好相似，水準好高 。店員將外賣包得好好，拎返屋企完全冇漏。