四季良晨 (新都城中心) (已結業)

今次黎到呢間係新都城既四季良辰，一間好有台灣feel既cafe式餐廳，真係有少少那些年錯過的夏天的感覺，重拾當年隻身去台灣旅行既經歷。環境方面，成間舖既裝修都好有心思，有好多唔同既書係牆，睇到就感覺好文青，有幾本自已以前都睇過，仲有唔少好好深意既貼牆句子，黎到飲住杯珍珠奶茶慢慢思考下人生，真係幾唔錯。食物方面，就梗係要試下台灣最出名既雞扒妹喇，呃唔係，係炸雞扒先岩，個雞扒醃得好夠味，广都好脆，而且唔會太厚粉，食落夠乾身，好唔錯。鹵肉飯，可以叫多汁，份量十足，而且唔會太咸，肥肉夠多，我就最鐘意。鹵水蛋，夠入味，唔會太硬。肥豬肉，半肥瘦既五層肥豬肉，可以話最好食既位置。可可奶茶，好好飲，好夠朱古力味。