尚青商號 (已搬遷) 新店位置

嚟到灣仔，同朋友去咗呢間台灣餐廳，喺樓上的。成個環境好有懷舊Feel，而且播嘅歌都係台灣歌，作為台灣Fans我都好開心。我地係午餐時段去，1點幾，都要等一段時間位。叫左一個牛肉麵同埋一個咖喱炸雞飯，包一人一杯烏龍茶。朋友就食牛肉麵，牛肉嫩，湯香，麵質煙"Un"，整體味道中上。我就食咖喱炸雞飯，係似日式咖喱多D，加咗D明太子，好香惹味，雞都炸得好好，不過略嫌偏咸咗少少。本來入座起計食60分鐘，但因為我同朋友坐低都已經差唔多兩點，已經過咗Peak，所以可以同朋友傾到3點幾先走。環境都好啱同朋友傾偈聚舊呢！