影片
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
以上资料只供参考，请与餐厅确认详情
影片
相片
红烧牛舌葱香鸡油捞饭
+256
+61
相关文章
喺湾仔利东街试咗尚青商号嘅台湾菜，环境充满台湾风，墙上嘅装饰同灯光好有气氛！我嗌咗半筋半肉面，牛筋煮得软腍，入口满满胶质，牛肉厚薄适中，嫩滑又有咬口，汤底清甜，饮落好舒服。叫咗盐酥鸡，鸡肉炸得外脆内嫩，但用蒜片代替九层塔，略为失色，少了𠮶份台湾街头味。麻辣鸭血冬粉味道惹味，微辣开胃，但汤汁偏少，冬粉吸汁后略为干咗啲，食到尾有啲撑。甜品点咗朱古力粒鸡蛋仔，外脆内软，朱古力味浓郁，系一个惊喜嘅收尾。店员服务态度好，环境干净企理，虽然座位唔多，但坐得舒服。整体嚟讲，食物质素唔错，台湾菜嘅风味做得正宗，适合想喺香港食台湾小食嘅朋友！
继续阅读
因为位置便利，经常帮衬。一入门口就有人欢迎你上楼上雅座入坐，室内怀旧环境、卡座都坐得舒服既，近排唔知系咪人少，基本上冇咩人催交台。朋友叫左个🍲 麻辣鸭血臭豆腐煲（冬粉），上菜的时候个火大，朋友打开盖的时候，服务员一手攞走个木盖，讲一声唔好放近个火就走左，搞到朋友煮冬粉就冇盖用咯，好尴尬😒 一上枱成间铺都闻到臭味同🌶️辣味，鸭血滑嘟嘟似食紧豆腐花，臭豆腐外脆内爆汁！冬粉索尽麻辣汤底，食到鼻水都出埋🤧小辣已经好够喉。免费配返杯冻冬瓜茶，刚刚好中和返。我自己点左个🍚 台酒三杯杏鲍菇鸡煲（走葱少饭） 三杯酒香浓惹味既🍶鸡肉嫩滑，不过鸡皮多多，肉唔多旧，杏鲍菇索晒酱汁仲juicy，不过得3旧！少饭版啱晒我呢啲怕淀粉嘅OL～我另外点左复刻奶茶（热少甜）：茶底厚到挂杯，但可惜对我黎讲少甜都系超甜，唔推荐～埋单加一，HK$207。利东街铺租唔平，仲要租2层。咁既价钱，咁既食物质素，合格。
继续阅读
在我公司附近 我蛮常吃的 但是！今天晚餐去吃炸排骨配担担面套餐 排骨有有猪骚味🤢 炸排骨都这么重口味了 猪骚味还是很浓厚我实在不懂水要自己倒，为什么还要收10%的服务费。
继续阅读
份量极少 90几蚊2旧豆腐2旧鸭血 碗饭仔儿童餐咁 9点未到已经要求付现金 劣质食材唔系咩值钱野 非常唔合理 女朋友个鸡脾捞面 鸡无味 仲好柴 香港饮食业真系要俾小小心机 咁搞法真系全部北上
继续阅读
我认为尚青系一间几唔错的台式餐厅 - 位于游客打咭点的利东街但价钱都唔会特别贵，店舖环境舒服有特色，食物质素唔敢讲系同区最好但都Keep 到唔错嘅水准而且选择都几多。曾经多次到访，以下系自己总结的好味推介：罗东鸡配干贝鸡汤饭 - 鸡肉肥美香滑，配特制香䓤酱好开胃，汤饭好有香浓鸡汤同瑶柱味，仲有少少炸葱油。比起跟面或菜饭，这个组合可以称得上绝配。紫菜金腿汤饺 - 份量唔少（好似六只），饺子饱满肉新鲜多汁，汤底同样好味唔系滚水加味精。配有木耳同油炸鬼，胃口细的可以当系主餐食。炸物方面觉得必叫嘅系椒盐炸大肠，炸得外脆内软，加埋蒜粒同椒盐味道好香口，但我不喜欢大蒜会拨开。而且炸大肠份量似乎比其他小菜多，系抵食好味之选。令外虎咬猪即系刈包亦系美食之一，试过酸菜控肉同蚵仔煎蛋，比较中意前者邪恶得黎啖啖肉有口感好满足，酸菜同芫西又中和左油腻感。蚵仔煎蛋刈包味道就较淡，始终个包面积有限蚵仔份量唔多。柴鱼片皮蛋豆腐花 - 一款几特别的甜品，咸咸甜甜几得意，只不过台湾的柴鱼片比较硬身，口感唔及日本木鱼片。不过都有一些食品不似预期，就好似鸭肉鸡油捞饭的鸭肉就好干瘦，鸡油唔够香。饮品都几多选择，但如果有奶盖类的会更加好食完够一定金额可以到地面玩括括咭，（以前可以夹公仔）奖品包括labubu公仔。再出去利东街行吓，整个体验颇愉快，系好适合尤其系假日，同家人朋友聚餐的好地方。
继续阅读