鼎王麻辣鍋 (The LOHAS) (已結業)

掛住台灣，一於嚟試吓台灣嘅特色火鍋🍲鼎王同港式火鍋非常之唔同，唔係點豉油，點嘅係特製嘅麻辣鍋醬汁同埋酸菜鍋醬汁，酸菜鍋醬汁有少少似沙律汁嘅口味。非常抵食嘅係，鴨血同埋酸菜都係可以無限添加㗎，而且白飯都係任裝，鍾意食嘅人唔好錯過啦！配料方面，蝦滑係非常推薦嘅，一隻隻蝦非常分明，咬落去爽口彈牙，胡椒粉味就有少少略重啦。牛五花——牛味就唔係好重，加入酸菜鍋就比較似酸菜白肉嘅豬肉。海鮮方面，蝦係非常之好，新鮮彈牙，其他就比較一般另外服務都非常之好，有賓至如歸嘅感覺，真係好似去咗台灣咁樣