小胖台灣麵 (已結業)

元朗新台灣菜進駐🔸夜市鹽酥雞咬落超級酥脆，雞肉嫩滑，如果有埋台灣嗰啲九層塔仲好🔸招牌三寶牛肉麵有牛肚牛筋牛腱，台灣麵口感厚實，牛肚軟腍，碗入面嘅紅白蘿蔔鮮甜冇渣🔸半筋半肉紅燒牛肉麵轉咗新竹米粉 +$3，新竹米粉比我想像中淋身，牛筋份量好多而且淋身爽口兩種質感都有，紅燒牛肉其實係牛腱，大大嚿唔知牙，唯一美中不足湯頭唔夠熱🔸鴨屎香手打檸檬茶比起普通檸茶，會再多陣香味🔸日月潭檸檬紅茶🐷先生話要飲番d古早味既野😂每張枱仲有一樽「黃牛油」可以自行添加，我同🐷先生都試咗，加咗之後個湯底嘅牛肉味係會再濃郁啲👍🏻