梅之味 (麗都大廈) (已結業)

朋友好鐘意食台灣菜，我地放工之後就去左灣仔一間台灣餐廳食晚餐。睇睇餐牌，有好多唔同既選擇，有主食、小菜、涼拌菜等等，全部都係地道既台灣菜！紅燒牛肉麵係我每次食台灣菜必點既菜，呢間既牛肉麵水準唔錯，牛肉大大舊，肉味香濃，湯底亦都好正！另外，點左一道黃金苦瓜，苦瓜被鹹蛋黃醬包住，烤到香脆，鹹蛋黃真係好邪惡，不過健康既苦瓜可以中和返呢個罪惡感。呢個蚵仔酥外脆內軟，令人食唔停口啊！最後，當然要食埋甜品啦，呢個芋丸拼地瓜丸煙煙韌韌，好吸引！