古早牛肉麵 (已結業)

呢日同朋友嚟到呢間食台灣嘢嘅餐廳，一入到嚟就覺得裝修好特別，好有去咗台灣旅行嘅感覺，可以一解呢排冇得去旅行鋪癮。話明古早味牛肉麵，牛肉麵嘅選擇果然好多。但因為去個日實在太熱啦，所以我同朋友都係嗌咗拌麵，我就叫咗半筋半肉，佢就嗌咗雞扒。另外我地各自嗌咗杯手搖，同蚵仔煎。碗麵嚟到真係好大碗，而且牛肉嘅分量都唔少，而且仲有啲涼拌菜同肉燥。啲麵食落都幾有咬口，而且係微溫，天時熱食就恰到好處。另外呢度嘅手搖都係包裝好先送過嚟，而且仲有得揀甜度同冰度，感覺衛生，比好多香港嘅台式餐廳做得好。我個杯奶蓋似落好香芝士味，係鹹口嘅奶蓋，食正我個範。最後個蚵仔驚單真係食得返台灣嘅味道，唔會好似好多鋪頭咁整到好似普通蠔餅咁，真係有台灣食嘅個層膠，去台灣食蚵仔煎嘅回憶返哂嚟🤤