影片
更多
2022-12-17
35 浏览
呢日lunch同屋企人黎到觀塘覓食，工廈之中隱藏左好多值得介紹既小店~ 今次搵到間由台灣人主理既餐廳––哈豆，正宗地道風味，連店員都係台灣人，未飛得去台灣都可以黎過下感受下先😍哈豆既裝修好靚，牆身畫左台灣風景既壁畫，每幅都好有特色，勾起以前去過台灣既回憶~ 餐廳仲播埋耳熟能詳既台灣歌曲，忍唔住跟住哼添呀🎶哈豆CP值好高✅ 唔洗$80已經可以叫到一個lunch set包主菜+飲品，價錢親民，仲免收加一添！小食都係幾十蚊就有交易，抵食！Menu選擇都唔少，便當、湯麵、拌麵﹑小食﹑甜品、飲品都應有盡有。我地3個人都揀左餐廳推薦既main，仲加左D小食share (數字為菜式no.)︰♢ 🐮1202 豐盛台灣牛肉湯麵 $78 (套餐)食台灣菜緊係唔少得牛肉麵，呢間既牛骨湯底煲到好香濃！牛肉好出色，炆得軟腍腍又唔會黏牙。配料仲有貢丸同花枝丸，爽口彈牙。仲送幾條菜+半隻滷水蛋添，難怪呢碗麵超「豐盛」啦！♢ 🍅1503 牛肉鮮蕃茄湯麵 $66 (套餐)蕃茄湯底有驚喜喎！蕃茄味濃郁，入口酸酸甜甜咁，用左真材實料既蕃茄黎煲湯。麵條較為粗身，煮得軟硬適中。♢ 🐓1108 逢甲鹽酥雞肉燥飯 $62 (套餐)
哈豆既裝修好靚，牆身畫左台灣風景既壁畫，每幅都好有特色，勾起以前去過台灣既回憶~ 餐廳仲播埋耳熟能詳既台灣歌曲，忍唔住跟住哼添呀🎶
哈豆CP值好高✅ 唔洗$80已經可以叫到一個lunch set包主菜+飲品，價錢親民，仲免收加一添！小食都係幾十蚊就有交易，抵食！Menu選擇都唔少，便當、湯麵、拌麵﹑小食﹑甜品、飲品都應有盡有。我地3個人都揀左餐廳推薦既main，仲加左D小食share (數字為菜式no.)︰
♢ 🐮1202 豐盛台灣牛肉湯麵 $78 (套餐)
食台灣菜緊係唔少得牛肉麵，呢間既牛骨湯底煲到好香濃！牛肉好出色，炆得軟腍腍又唔會黏牙。配料仲有貢丸同花枝丸，爽口彈牙。仲送幾條菜+半隻滷水蛋添，難怪呢碗麵超「豐盛」啦！
♢ 🍅1503 牛肉鮮蕃茄湯麵 $66 (套餐)
蕃茄湯底有驚喜喎！蕃茄味濃郁，入口酸酸甜甜咁，用左真材實料既蕃茄黎煲湯。麵條較為粗身，煮得軟硬適中。
♢ 🐓1108 逢甲鹽酥雞肉燥飯 $62 (套餐)
鹽酥雞粉漿夠薄，炸得酥脆，肉質嫩滑，調味岩岩好。肉燥味道香濃，豬肉炆得入味，肥瘦適中，送飯一流！仲附送半隻滷水蛋﹑辣菜脯﹑青瓜同時菜，食得更滿足！
♢ 👍🏻1615 路邊攤小香腸 $48
脆皮多汁，好香豬肉味，仲加左d蒜片調味，好似去左夜市咁呀～
♢ 🦐香酥腐皮蝦卷 $48
蝦卷都幾大條，賣相似春卷😆 腐皮入面包左結實既蝦滑，幾香口！
♢ 🥬1612 魚鬆肉燥時菜 $30
油墨菜份量都幾多～呢個食法幾得意，生菜加左d魚鬆同肉燥都幾香口，更加開胃。
♢ 2101 豆漿紅茶
♢ 2104 胚芽豆漿 +$6
♢ 2205 鮮榨檸檬紅茶 +$8
套餐仲包一杯免費飲品，其他要加錢upgrade。餐廳非常貼心，連飲品都可以根你喜好去DIY冰塊份量同甜度👍🏻 豆漿紅茶係招牌飲品，以豆漿代替鮮奶，健康無負擔。同港式奶茶真係有d分別，整體感覺比較甜，叫少甜可能岩飲D～
睇得出台灣老闆好用心經營哈豆，想將家鄉菜帶黎香港，黎到呢度每一口都食到台灣風味，超正😍 值得一讚係價錢貼地親民✅ 食物份量又唔會少，絕對係觀塘上班族既福音呀🥳！
张贴
