101手工涮涮鍋 (已結業)

今晚朋友介紹呢間台式101手工涮涮火鍋店，位於尖沙咀厚福街，非常易搵，價錢不過3百蚊，而且係任飲任食架，挑戰大胃王的我。火鍋店要上2樓，全層的，座位也多，我們被安排坐卡位，真正。火鍋配料好多選擇，部份是無限添加。醬料有9種不同味道，總有一款啱你味蕾。湯底有多款可以揀，我地叫左冬瓜卜卜蜆海鮮鍋，勁多蜆，令湯底好鮮甜。火鍋配料我特別喜愛食豬頸肉，所以叫了西班牙伊比利亞玫瑰黑毛豬頸肉，賣相精美，好似4朵鮮花般。味道好濃郁肉味，而口感好爽口，打邊爐必選。台灣夜市火鍋拼盤，即滷水拼盤，充滿濃厚台式風味,以牛金錢肚最爽口入口，其它雞腎和豬耳也好食，放在火鍋灼一陣已美味非常。而台式腸和特長蟹柳我也特別喜愛，味道好入口，食極都唔腻。其它配料也樣樣叫少少試下，以鲩魚片最正，薄薄的又爽脆，最重要是新鮮。呢度飲品都好特色，勁大杯，全是可樂為主即可樂特飲，又解渴又好飲。👍食到飽，最後還有甜品食，芋頭布甸，甜而不腻，大滿足。總括來講，兩百幾任你食的台式火鍋，食物質素又掂，去邊處搵，下次食火鍋一定再來101。