山見台式火鍋 (PopCorn 1)

营业中

休息中

如果有食開任食火鍋，每次入去既感覺都好似打大佬咁 - 挑戰食量。今晚打 lv 4。場地乾淨又闊落，特別鍾意枱夠大，叫野食唔駛就住就住。有分唔同lv，越高lv食物款式越豐富。可以揀既湯底多，見到佛跳牆湯底又真係未試過。湯頭金黃色，鮮味濃郁，又唔會蓋過食物既味道，值得一試。Lv 4雖然唔係終極大佬，但有澳洲和牛肩胛肉眼已經好夠做。油脂同細緻既肉質一碟真係唔夠喉，要不停追加。除此之外，淨係牛都有牛舌芯、牛爽脯、里肌肉、牛扑肉、牛小排同埋封門柳等好多花款。想食下豬同羊又可以揀黑毛豬，羊肩胛。除咗火鍋配料，另外仲有好多台式小食供應。出面飲品櫃有好多唔同款式，熟食區，甜品區都好多選擇。最驚喜係有榴槤雪條同紅豆沙，兩樣啱晒我口味。