士林·便丼達人 (帝城大廈) (已結業)

今日返完個上晝就好想食台灣野，於是我去左灣仔附近間台灣餐廳買外賣，返到黎屋企打開啲野仲係熱辣辣，同埋包裝得好穩陣。呢間嘅樽仔飲品系列，我買左鴛鴦同咖啡，飲落好易入口，而且好幼滑，值得一試。士林必點狂惹雞軟骨外皮炸到好似鹽酥雞咁，外皮香脆可口，調味適中，最緊要係份量多，性價比高。地瓜薯條都好掂，有勁多種調味粉可以揀，而我就揀左好特別嘅四川羅宋湯，辣辣地又幾過癮。而蒜脆杏鮑菇又係好大份，炸粉薄薄一層，好惹味。三星漿爆貢丸咬落去係滿滿嘅三星蔥餡料，好香，肉質彈牙。而主食方面我揀左鹽酥雞肉燥乾拌，配台南乾麵，麵條寬闊能夠更入味，肉燥及其他材料完全好吸力，鹽酥雞更是好好味。呢間店啲食物同飲品質素好高，絕對有下次。