101手工涮涮鍋 (已結業)

打邊爐就打得多，台式既涮涮鍋都係第一次試。今次就黎到餐廳開到成行成市既厚福街試下呢間台式既涮涮鍋火鍋湯式好特別，有紅燒牛肉、三杯雞等台式味道既湯式。我地當日就叫左三杯雞湯式，湯式有好多雞件，湯式好香酒味，有啲似食緊雞煲咁（無左南乳味既）。配料就叫左手工火鍋拼盤、安格斯牛頸脊、黑豚片，即炸既響鈴同魚皮。牛肉有牛味，好淋但有咬口，打邊爐一流；拼盤有水餃、油條墨魚滑、墨魚丸等等，配料有心機，唔會好似平時食開果啲咁，比較少見。首推係即炸既響鈴同魚皮，即叫即炸，上菜時仲熱的，就咁食又得，打邊爐又得，超正！