老鍋台式火鍋 (金馬倫道) (已結業)

依排又開始涼涼地最岩就係食火鍋架啦😋今日同朋友終於去左試依間勁出名主打台式火鍋既 老鍋！一入到去 裝修係比較中國古裝風 幾有氣氛🤣湯底亦都有好多選擇 而貪靚嘅我哋梗係食試吓佢個美人鍋啦🥰非常足料 真係有一大隻烏雞❤️🙀 加埋金華火腿紅棗桃膠等等嘅材料 即刻忍唔住裝左碗湯黎試吓 好鮮甜🥳 因為其實佢個湯底已經有好多材料😹所以我建議大家嚟食嘅時候可以衡量下自己食到幾多野先 唔好叫到成枱野先發現食唔晒做大晒鬼 鹽酥一口豆腐超級推介！勁好食😍外面鬆化入邊都仲係保存着豆腐嘅嫰滑就算凍咗少少外皮都仲係好鬆脆😘不得了呀千張豆葉紙好特別 其他火鍋店從未見過呢樣配料🧐真係成張紙咁薄淥幾淥已經吸晒啲汁💕不錯不錯墨魚丸食得出係佢地自家製既 墨魚味幾香 夠彈牙 美國梅花豬肉幾好食 淥完都仲係幾滑有肉香 唔會鞋口食埋個王子面已經超級飽🤣大滿足😙