小胖台灣便當 (偉華中心)

营业中

休息中

疫情關係除咗返工之外都無出去，攪到個人真係好鬱悶😮‍💨，上星期要去沙田做嘢，中午去咗食個快飯，同同事去咗沙田偉華食個台式便當，我哋每人點咗一個套餐，當中包括一個主食、一個小食和一支飲品。🍜萬華網烤牛肉湯麵網烤牛肉烤得夠香又好味，牛肉質地嫩滑淋身，火喉控制得很好，湯麵亦好入味，湯底香濃。🍛士林鹽酥大雞腿飯大雞腿即叫即炸，進食前小心燙口，入口好有鹽香味，雞皮炸得香脆，雞腿肉Juicy有汁，外脆內軟好滋味。🥗香蔥油燙青菜食得煎炸嘢多加碟燙青菜，減輕罪惡感。🍗九層塔雞翼(2隻)雞翼略為大隻，同樣炸得香脆，但個人比較喜歡細隻雞翼。🍵油切綠茶、日本焙茶2款清茶同樣解膩，大大支飲唔晒可以拎返屋企。