三星台菜食堂 (新城市廣場一期) (已結業)

一直都好想試吓嗰間明星牛肉麵，但又懶得過海，終於係沙田開咗間分店，我可以食試吓三星牛肉麵啦！三星牛肉麵，濃郁紅燒牛骨湯，有清翠嘅三星蔥，配料有招牌牛腩牛筋牛肚，燜得夠晒軟腍，我揀粗麵覺得Q彈又掛湯啲，仲有啲酸菜提鮮，我一個人食清晒成碗面仲飲埋個湯，因為食物質素上乘，真係好惹味！店員就推介另一個期間限定，海膽滷肉飯。好新鮮嘅配搭，勁多海膽落足料。海膽creamy 夠邪惡，有一隻好 sweet 嘅糖心蛋,充滿鹹香爆汁嘅魚子，食到底又可以食到正宗口味嘅台式滷肉飯，碗飯口感十分豐富。仲有就係去台灣必食嘅第一鹽酥雞 ，外皮炸得很酥脆，我好鍾意d 蒜茸九層塔，食落很惹味！而且唔知係唔係特色，鹽酥雞細細塊一口 size。最後係我好期待嘅芋圓，果然食得到喺台灣嘅味道，首先叫咗個台式刨冰底，當我問店員嘅時候佢就會show俾我睇有好多款配料選擇。我是芋圓fans、地瓜圓、紅豆、仙草、愛玉⋯⋯全部都要！再加台灣入口自家煮黑糖漿調味，綠茶奶蓋更加好味過唔少連鎖店。整體上服務都幾好，主動加水又有禮貌。