九份•十分 (河畔花園) (已結業)

朋友話想嚟試下 所以就帶佢嚟啦 上次我嚟嘅時候係食lunch 今次食晚餐 所以都會有期待嘅......由於係夜晚嘅關係 點都要等下架喇.....入座之後睇左一段時間餐牌 因為太多選擇喇 要啲時間揀揀😆😆小食方面點了一個台式滷水拼盤(細) 入面有雞翼 大腸 滷水蛋 滷水豆腐 鴨舌 小妹我認為汁嘅味道係夠嘅 大腸 鴨舌都好入味 其他都可以啦 如果蛋再入味啲會更好台式鹽酥雞扒肉躁飯 份量都好多架 肉躁好好味 味道適中唔會過咸 撈飯食係好好嘅配搭 不過雞扒方面 又無我想像中咁好食 係炸得夠脆嘅又帶點熱嘅 不過不失啦台式粗麵配鹽酥排骨粒 我朋友話個粗麵好食呀 帶點有藥材嘅味道 但可以接受到嘅 不過鹽酥排骨粒 我地一致認為係唔得 因為已經唔脆 係腍嘅 仲要係唔熱嘅 唔知擺左幾耐先上枱呢？食左大約兩三粒已經唔想再食 所以係有少少失望嘅😐😐至於飲品 佢叫阿里山之夜 係好好飲好靚好吸睛嘅😍😍小妹我推介呀👍🏽👍🏽佢真係好大杯 飲左好多都仲未飲哂😄😀味道係青蘋果🍏味 甜度適中 仲有幾塊士多啤梨食 okay呀 杯飲品下面有個燈架 所以杯飲品係會發光嘅😆✌🏽正～～～