臺北棧 (港威商場)

营业中

休息中

今日同朋友去了尖沙咀海港城港威商場2樓的Check-in Taipei，聽個名就知係食台灣菜啦！呢個朋友平時唔鍾意食台灣菜嘅，但佢竟然帶我去呢度食就知係好食啦！環境好好，同朋友傾偈食飯坐得非常舒服。招牌牛肉麵麵夠彈牙，招牌兩個字果然當之無愧，牛肉夠林又入味，最重要係啲蟲草花炸完脆脆地又幾好食！冷盤櫻花蝦烏醋茄子🍆茄子上面鋪滿櫻花蝦，配上醋酸酸地好開胃。牛汁滷蘭花干，呢個係熱食嘅，夠晒入味。其實飲品應該叫苦瓜汁大王健康啲，不過隻眼淨係見到木瓜牛乳，因為去親台灣都飲。手工鳳梨麻糬酥蛋撻一定要叫，超級好食，個皮鬆脆到⋯想一人食一件，蛋味濃郁，鳳梨酥配麻糬，煙煙韌韌，口感一食難忘😋