GO熊小館 (薄扶林道) (已結業)

平時成日撘巴士經過呢間台式小館，又喺外賣平台成日見到佢地😂呢日唔想煮飯，就同老公落去試下。📣鹽酥雞麵餐 $78鐘意食辣嘅我加咗$6轉麻辣湯，再加咗$6轉米粉。麻辣湯ok唔太辣，米粉非常爽口，面層仲有唔少肉碎，仲有幾塊生菜。鹽酥雞份量唔少，外層金黃香脆，好香口，食落啖啖肉。📣香酥排骨麵餐 $66香酥排骨大大塊，外皮薄薄一層唔厚粉，肉質軟腍唔韌，而且唔油膩，麵質爽口彈牙。📣熱紅茶 跟餐+$8紅茶香濃唔澀。