四季良晨 (新都城中心) (已結業)

之前朋友介紹呢間台灣菜好食今晚就黎試下，入門口會量體溫，商場又有嘢行食飽行下就啱曬。首先推介台灣腸，份量都幾多，切左薄片可以一啖食方便啲，香腸醃得好入味入口鹹香，有少少微辣又惹味。滷水牛肚係朋友推薦，結果真係幾好味，切得細細條，滷水香味很足夠，最重要就係佢滷得夠稔呀！個人認為呢樣非常重要，因為平時好多都太大舊好難扯開，呢到就啱啱好啦！炸花枝丸好大粒，口感彈牙，唔係溝左好多粉漿個啲，外皮炸得香脆。豆乳飲品好正，搭配珍珠係新嘗試，估唔到係個幾好既驚喜，一次過滿足我兩個願望，就係食珍珠同飲豆漿，仲有凍熱比你揀添。