影片
更多
2025-06-22
161 浏览
紅燒牛肉麵 $70湯底濃郁得嚟唔會太鹹，飲落好舒服。牛肉煮得夠淋，一啖咬落去就散開，仲要大大塊，絕對冇偷工減料！麵質彈牙，吸晒湯汁精華，每啖都係滋味。牛三寶麵 $80有齊牛腱肉、牛筋同牛肋條，每樣都煮得啱啱好，師傅火候掌握得幾準！牛腱肉厚切夠晒大方，滷得入味之餘又唔會太柴；牛筋燜到啱啱好，入口即化得嚟仲保留到少少彈性，滿口膠質黏嘴唇，正到痺！牛肋條就最驚喜，肥瘦均勻，鬆化得嚟帶少少咬口，越嚼越出肉香。 炸鹽酥雞 $48即叫即炸，熱辣辣好脆口！調味唔會過鹹，入面肉汁保持到，咬落去啖啖肉超滿足！外皮金黃酥脆，食落咔咔聲，真係停唔到口！蚵仔煎 $42蠔仔算大粒，煎得香口，蛋漿同薯粉比例剛好，唔會太粉或太實。醬汁酸甜開胃，外皮微脆，內裡軟滑，香氣十足，食落更醒胃！經典台灣風味，地道又抵食，一定要趁熱食！百香果綠茶(凍) 跟餐+$14黑糖珍珠奶茶(凍) $34
紅燒牛肉麵 $70
湯底濃郁得嚟唔會太鹹，飲落好舒服。
牛肉煮得夠淋，一啖咬落去就散開，仲要大大塊，絕對冇偷工減料！麵質彈牙，吸晒湯汁精華，每啖都係滋味。
牛三寶麵 $80
有齊牛腱肉、牛筋同牛肋條，每樣都煮得啱啱好，師傅火候掌握得幾準！
牛腱肉厚切夠晒大方，滷得入味之餘又唔會太柴；牛筋燜到啱啱好，入口即化得嚟仲保留到少少彈性，滿口膠質黏嘴唇，正到痺！牛肋條就最驚喜，肥瘦均勻，鬆化得嚟帶少少咬口，越嚼越出肉香。 
炸鹽酥雞 $48
即叫即炸，熱辣辣好脆口！調味唔會過鹹，入面肉汁保持到，咬落去啖啖肉超滿足！外皮金黃酥脆，食落咔咔聲，真係停唔到口！
蚵仔煎 $42
蠔仔算大粒，煎得香口，蛋漿同薯粉比例剛好，唔會太粉或太實。醬汁酸甜開胃，外皮微脆，內裡軟滑，香氣十足，食落更醒胃！經典台灣風味，地道又抵食，一定要趁熱食！
百香果綠茶(凍) 跟餐+$14
黑糖珍珠奶茶(凍) $34
张贴
