美心MX (新文華中心) (已結業)

見到美心最近 promote 緊台灣菜，於是走過來試試。晚餐有兩款，包括烏醋便當豬軟骨同埋我揀嘅三杯不老土雞煲。三杯雞用平時煲仔飯的煲仔上。一打開佢即刻聞到浸麻油同九層塔嘅香味。除咗雞之外，煲裏面仲有爆香左嘅蔥同蒜頭，送飯一流。兩個套餐都係跟魯肉飯同冷菜。魯肉味道不錯，當然好難同傳統台灣老店比較，不過都算交足功課。美中不足係今晚啲飯有啲淋。冷菜有筍、豆卜同埋醃菜。套餐連埋飲品都唔使$50，仲有張抽獎券（雖然小弟只係得到一張$3 coupon)，算係幾抵食。