小城大廚

营业中

休息中

觀塘工廈隱世鮮味 蠔迷必試！講真，觀塘工廠區搵食，估唔到伏低咗間「蠔」門盛宴！小城大廚嘅台山蠔，真係一上枱就嚇親人——手掌咁大隻，肥嘟嘟脹卜卜，蠔肚撐到幾乎透光！重點係：一啜落去，濃郁嘅海水鮮甜即時爆出，跟住係澎湃到漏嘅金黃蠔膏，邪惡得嚟甘香到痺，食完隻蠔仲掛住啲膏香，真係「蠔」冇得頂啊！金銀蒜粉絲蒸 鮮味鎖到足佢哋用嘅係台山蠔王級數，師傅火候拿捏超準，猛火快蒸，蠔肉剛熟唔老，保持超嫩滑爆汁口感！墊底嘅粉絲吸盡蠔汁精華，加上炸過嘅金蒜同生銀蒜夾擊，蒜香濃而不搶，仲帶微微辣勁，惹味到忍唔住連汁都撈埋！每隻蠔都鋪滿閃令令嘅蒜蓉，視覺同味覺都大滿足即叫即蒸夠新鮮 性價比爆燈食到呢種質素嘅台山蠔（視乎時價），仲要係即叫即劔即蒸，上枱仲熱辣辣噴煙，誠意分加爆！蠔癡如我，覺得比出面高級蠔吧平一大截，但鮮度絕對有過之而無不及！同場加映：蠔殼堆到成座小山咁，就知有幾受歡迎啦～街坊飯堂格局 人情味濃雖然餐廳藏身工廈，但晚市坐滿熟客，阿姐落單爽快有笑容。環境就係典型大排檔風，但枱夠大坐得舒服，最緊要係食物有水準！另外再叫左碟黑椒牛仔骨，香辣惹味得嚟份量又唔少。再嚟一碟蝦膏銀魚仔蝦仁炒飯，啖啖鑊氣風味十足！