老鍋台式火鍋 (金馬倫道) (已結業)

好耐都未試過去一間咁有特色嘅火鍋餐廳， 其實呢一間舖嘅裝修都幾特別， 好有個人嘅風格， 同埋都幾古色古香，同埋佢嗰個排位都好有私隱度。酸菜白肉鍋: 其實因為自己呢幾日唔食得 辣， 但其實呢個係意外嘅發現，原來呢一煲酸菜白肉鍋，足料之外，有半肥瘦嘅豬肉做湯底，所以大家叫呢一鍋嘅話記住盡快食咗啲白肉。 同埋佢個酸菜都擺得幾多， 呢個湯底我自己覺得係幾好飲。美國梅花豬肉: 呢個豬肉我自己覺得都幾好，因為本人都幾鍾意食豬， 一上碟每塊豬肉都紅卜卜，同埋亦都唔算係太肥 ，最緊要佢肉質係幾新鮮，好似即切嘅豬肉咁， 肉質鮮美同埋每一塊都有層次感。夜市炸臭豆腐: 呢一個臭豆腐唔使擺落個火鍋我爭啲將呢個臭豆腐擺埋落個火鍋煮， 呢個豆腐脆卜卜同埋個皮都幾實淨 最主要就係我覺得香噴噴， 點佢個甜醬 其實都似我地香港嘅臭豆腐特式。魚皮餃: 魚皮餃個皮爽口彈牙，而且又俾足料，好過某D魚皮餃舖。寬粉條: 呢個寬條粉， 其實一擺落個火鍋度煮，粉漲起上嚟都幾多，同埋佢嗰粉幾彈牙之餘，而且都幾飽肚，所以我覺得呢一個粉大家可以試下，食粉之餘順便飲埋佢個湯底，正!最後 ，我覺得呢一間火鍋店佢個湯就真係的而且確唔錯 ，所以下