牛站(駅)麻辣火鍋放題

营业中

休息中

尖沙咀牛駅，餐廳門口比較細，要上樓梯，不過性價比幾高，所以都有好多客人。我同朋友揀咗最平嗰個套餐美國精選牛，湯底方面當然要揀佢嘅秘製麻辣鍋，另外就揀咗清甜椰子雞鍋。成日覺得放題嘅嘢食選擇太多，所以揀最平嗰個餐都已經好夠食好滿足。依家好多嘅放題店都會提供冷泡茶，我自己係好鍾意狂飲解膩嘅冷泡茶。丸類選擇有十幾種，最推介凍豆腐，非常吸鍋底湯汁，芥末丸、麻薯豆腐都係我一直嘅心頭好。雖然係最平套餐嘅美國肩胛肉，但係肉質一啲都唔差，色澤都幾靚，我同朋友都食咗好幾碟！蔬菜新鮮，仲有寬粉提供，非常夾麻辣湯底。今日嘅是日海鮮係我最愛嘅蜆，依間仲要冇沙、新鮮🥹🥹🥹又係瘋狂encore嘅一道。以任食火鍋店來講嘅醉雞真係做得唔錯。呢個紅糖麻薯真係好好食！我諗都唔需要多作介紹，我自己就食咗幾粒。佢呢度雖然有好多唔同種類嘅甜品同雪糕雪條提供，但講到最吸引一定係雪糕機嘅抹茶朱古力雪糕，兩隻口味都好啱我食😋已經想快啲再黎食順便一提呢度有提供圍裙，都幾貼心。