影片
更多
2023-10-29
44 浏览
最近朋友屋企附近嘅商場裝修，重開之後，變成全部都係連鎖店，有特色同有自己風格嘅鋪頭，大家都慨嘆要絕跡啦。為左咁我地特登約好，周圍去搵一啲出色嘅小店，以表示支持。其中一個方向係向高空發展，香港有好多樓上既餐廳。但要搵到一間好嘅，其實都好似搵粉紅色既野一樣，可遇不可求。但今次朋友搵到嘅呢間，真係唔錯。 🍖 同普通餐廳都係一樣，個餐都係包左甘筍湯或沙律，但呢度既感覺係更加健康，甘筍湯飲得出係用新鮮甘筍打成puree,冇額外加好多水，濃稠適中。沙律加左藜麥，口感豐富左，超級食物往往令人感覺對餐廳既選材更有信心。 🍖香煎盲鰽，外皮煎得焦脆，而且乾身，冇額外嘅油份，相反肉質嫰滑但係又唔會鬆散。值得一讚係佢既調味，一反傳統，魚喺配搭咗椰香咖哩汁，椰醬嘅香味，好醒胃，咖哩嘅味道唔刺激，淡淡咁滲出來，相當合襯。而且個醬汁係分開上，估計係因為知道客人未必個個鍾意創新配搭，所以可以俾客人隨心選擇。 🍖牛肉選材部份係Flat Iron，不過份量相當大，好成10oz. 所以非常厚切。Flat Iron有啲人話係成隻牛第二嫩滑既肉，但係大家都唔想用，因為中間手工複雜，要有獨特嘅切割方法先至可以得到呢塊肉。如果筋膜
🍖 同普通餐廳都係一樣，個餐都係包左甘筍湯或沙律，但呢度既感覺係更加健康，甘筍湯飲得出係用新鮮甘筍打成puree,冇額外加好多水，濃稠適中。沙律加左藜麥，口感豐富左，超級食物往往令人感覺對餐廳既選材更有信心。
🍖香煎盲鰽，外皮煎得焦脆，而且乾身，冇額外嘅油份，相反肉質嫰滑但係又唔會鬆散。值得一讚係佢既調味，一反傳統，魚喺配搭咗椰香咖哩汁，椰醬嘅香味，好醒胃，咖哩嘅味道唔刺激，淡淡咁滲出來，相當合襯。而且個醬汁係分開上，估計係因為知道客人未必個個鍾意創新配搭，所以可以俾客人隨心選擇。
🍖牛肉選材部份係Flat Iron，不過份量相當大，好成10oz. 所以非常厚切。Flat Iron有啲人話係成隻牛第二嫩滑既肉，但係大家都唔想用，因為中間手工複雜，要有獨特嘅切割方法先至可以得到呢塊肉。如果筋膜去得唔好，客人就會食得好辛苦。我係習慣將成塊牛扒先切成一粒粒再開始食既人，手起刀落，呢塊牛扒要切開一d難度都冇。證明前處理做得非常之好。而且都好有牛味。再加上佢伴碟嘅薯條，排得非常公整，可以睇得出廚師嘅一絲不苟。
🍺✨️超級加分位係餐飲，我地叫左一個蜜桃薄荷梳打同一個凍檸茶。蜜桃梳打，個伴碟成棵花咁，打卡啦喂。最勁係凍檸檬茶，一片檸檬都冇，但超重檸檬味。唯一做到嘅方法，就係將檸檬先鮮榨，再加入茶底。哩個諗法好好。檸檬本來係有益既食物，咁樣處理除咗俾個客人充分攝取到檸檬精華，又唔會比一片片嘅檸檬或者的核阻住支飲筒。讚!
廚師嘅用心，往往喺大集團嘅菜式都唔能夠體驗到，多啲幫襯小店，發掘下，感受下，其實都係一種樂趣。
张贴
