影片
更多
2023-05-31
523 浏览
呢間小店係ig 都有d 名氣，係出名神出鬼沒，你想食佢都未必開鋪，搞到個個都羅羅孿，然後食過既人都清一色讚佢個叻沙有幾咁出色，湯底夠濃但唔會奶味重，講到係香港最好食既叻沙，今日終於有機會試下店入面好細，得4張4人枱，加上得一個人主理，要俾d 耐性，menu 都無，入店時店主會講明今日係雞扒同五花腩，主食當然配叻沙。我同老公兩個都揀五花腩，因為見到店主係係鐵板煎，聞到都流口水。店主好忙但都會係咁同食客講唔好意思要大家等，其實都唔算等好耐，10分鐘左右一碗熱辣辣既叻沙就上枱。五花腩有5片，仲有芽菜，半隻蛋，豆卜，紫洋蔥，拉麵同米粉集於一碗，第一件事飲啖湯先，嘩！好正，個湯唔會有過多辣油，奶味岩岩好唔會好漏，無乜辣，好香好濃。食啖米粉索哂d 湯入哂味，仲有個五花腩，肥瘦分明煎到好香口，一d 都唔鞋。7x 蚊一碗，超值，淨係飲個湯底都值！店主話遲下做埋串燒同拎埋酒牌，但我諗我仍然會order 招牌叻沙，呢個味道食完係會掛住佢
店入面好細，得4張4人枱，加上得一個人主理，要俾d 耐性，menu 都無，入店時店主會講明今日係雞扒同五花腩，主食當然配叻沙。我同老公兩個都揀五花腩，因為見到店主係係鐵板煎，聞到都流口水。店主好忙但都會係咁同食客講唔好意思要大家等，其實都唔算等好耐，10分鐘左右一碗熱辣辣既叻沙就上枱。
五花腩有5片，仲有芽菜，半隻蛋，豆卜，紫洋蔥，拉麵同米粉集於一碗，第一件事飲啖湯先，嘩！好正，個湯唔會有過多辣油，奶味岩岩好唔會好漏，無乜辣，好香好濃。食啖米粉索哂d 湯入哂味，仲有個五花腩，肥瘦分明煎到好香口，一d 都唔鞋。7x 蚊一碗，超值，淨係飲個湯底都值！
店主話遲下做埋串燒同拎埋酒牌，但我諗我仍然會order 招牌叻沙，呢個味道食完係會掛住佢
张贴
