蘑界野生菌石鍋雞

員工同經理都非常親切，樂於助人。坐位夠寬敞唔會逼夾，三五知己慢慢傾計都無壓力，係聚餐既好選擇。食物方面，手工扯麵口感彈牙、有咬口，熱辣辣上枱，咬落好QQ。雞肉份量足，肉質嫩滑唔乾柴。最大驚喜係椒香炸豆腐——外層酥脆、內裡軟滑，加少少辣椒粉，十分惹味，係成餐飯嘅高光位！飲品點咗檸檬茶同楊枝甘露，份量大方，甜度調得啱啱好——唔會過酸亦唔死甜，仲有果肉添。成餐飯食得chill爆，唯一係蒸氣有啲猛，中途開咗陣風扇降溫🤣。掛住傾偈淨影左碟黑豆腐。總結：食物好味，環境舒服，服務貼心，下次一定會再嚟 😙！