影片
更多
2016-10-16
546 浏览
新聞話香港係全球樓價最貴城市，又係全球微笑指數最低的城市。而呢間Master Kama真係可能係全港微笑指數最低的餐廳。呢個係食評！又唔好一見批評就話唔係食評，服務係應該的，服務係成個dining experience 一部分，唔係淨係睇食物質素，顧客唔係黎受氣，都想佢地知道而改善的。唔知間餐廳叫Master Kama，係咪同Karma有關。Book 左夜晚6:30 三位，6點20分去到，店內7成空位。但我地仲有個朋友未到，諗住問下可唔可以坐住等先，但個侍應話入座起即刻計時，只可以食個半鐘，記住，全程無 表 情！係無 表 情！咁算囉，又唔可以坐住等，還掂又未到預定時間，唯有企在餐廳外等。其實可能個半鐘後，8點鐘可能係Peak hour，所以先要咁straight，但當時店內無乜人，可唔可以等黎到的客人坐左先，黎齊再計時，都唔相差幾遠。派餐具時係飛過黎，勁大聲放落桌上，唔講仲以為係茶餐廳。每個黎傳菜的員工都係無笑容，面 無 表 情，語 氣勁 晦 氣，我地仲好聲好氣同佢地講唔該，第一次見餐廳可以食客仲好態度過員工。三重芝士雞肉烤餅（$68）賣相同味道都好好，咬落d芝士都好香軟，上面d乳酪醬
呢個係食評！又唔好一見批評就話唔係食評，服務係應該的，服務係成個dining experience 一部分，唔係淨係睇食物質素，顧客唔係黎受氣，都想佢地知道而改善的。
唔知間餐廳叫Master Kama，係咪同Karma有關。
Book 左夜晚6:30 三位，6點20分去到，店內7成空位。但我地仲有個朋友未到，諗住問下可唔可以坐住等先，但個侍應話入座起即刻計時，只可以食個半鐘，記住，全程無 表 情！係無 表 情！咁算囉，又唔可以坐住等，還掂又未到預定時間，唯有企在餐廳外等。其實可能個半鐘後，8點鐘可能係Peak hour，所以先要咁straight，但當時店內無乜人，可唔可以等黎到的客人坐左先，黎齊再計時，都唔相差幾遠。
派餐具時係飛過黎，勁大聲放落桌上，唔講仲以為係茶餐廳。每個黎傳菜的員工都係無笑容，面 無 表 情，語 氣勁 晦 氣，我地仲好聲好氣同佢地講唔該，第一次見餐廳可以食客仲好態度過員工。
三重芝士雞肉烤餅（$68）賣相同味道都好好，咬落d芝士都好香軟，上面d乳酪醬酸酸地幾夾，但份量唔多，同個皮再脆d就好
再叫左個龍蝦滙（$428）有龍蝦包+半隻龍蝦+龍蝦海鮮烏冬
（注意：係無龍蝦湯，雖然個餐牌上面有碗額外上的龍蝦湯，但問番個員工，佢話只係烏冬個湯底另外用碗盛來影相）
個龍蝦包單嗌（$188），就一d都唔抵，同唔太值，因為成個包得果幾舊仔龍蝦肉，少得可憐，個包裡面d香草仲多過龍蝦肉，個包本身都係細，係得個包幾香軟。
果半隻龍蝦係幾香口，有好多蒜茸係面，而且係有龍蝦濃香，不過得半隻，大家分食幾啖就無。薯條都唔錯，有兩款：南瓜薯條同薯條，好入味，點埋檸檬汁配沙津醬好正
個龍蝦海鮮烏冬算係最滿意，雖然個烏冬同d湯料都係普通杯麵裡面的配料：粟米、海帶、蜆，不過個湯底係好好味，係幾香濃。
本來想食埋個綠茶甜品，不過睇面色都睇到飽哂，就唔想再order。
埋單計埋服務費$546，平均每人$182，但一點都唔值呢個價錢，請問有咩服務值得收加一？
香港人辛苦賺錢都想食餐好，而且香港人咁忙，難得約到出黎，緊係滿心歡喜想開心聚會下，誰知成餐飯食到勁受氣咁。
將心比己，點解食個飯都要問多句個店員都十問九唔應，好似好唔願意同你落單、上菜，d野食有幾樣都係好普通，只屬一次餐廳，唔會想再黎。
张贴
