瑞士咖啡室 (裝修中)

可能係全葵涌甚至全港服務態度最差的食肆，店員態度極差，全部黑口黑面，暴力派餐具，好似客人殺佢全家一樣，特別係收銀個兩個女人，又串又冇禮貌，多謝都冇句都算，問佢少少野直頭當客人係仇人一樣！堂食冷氣超大，等人食完好快啲走，啲食物一陣就凍晒，點好食都冇用啦！坐多陣隨時感冒！仲有，要客人調位搭枱，直接搬走客人餐具強制轉移，問都冇問，唔該又冇！間野本身已經貴，俾錢食飯仲要成肚火，講真，係香港我真係未見過服務態度咁差既食肆！Fine，反正我唔食大把人食，不過我肯定唔會幫襯。我覺得呢間野簡直係香港服務業之恥！服務一分我都嫌多，應該負分！