影片
营业时间
今日营业
07:00 - 18:00
星期一至六
07:00 - 18:00
星期日
全日休息
以上资料只供参考，请与餐厅确认详情
招牌菜
呢间位于葵兴贵盛工业大厦嘅瑞士咖啡室 已经喺葵兴好多年 入面写住只招待大厦员工 但其实佢都只系一间普通茶餐厅 任何人都可以入去 一推开门 就会发觉入面嘅地方非常之大 而且布置都几特别 几有怀旧嘅特色 座位就好似一般茶餐厅咁 系有少少迫但系还可以啦 我几喜欢佢嘅早餐 早餐嘅种类有好多 你想得出嘅都有 无论系正常嘅港式早餐 三文治 还有啲特色嘅多士 我最钟意食佢嘅 吞拿鱼撒蛋多士 再配杯 热奶茶 真系一绝 另外佢嘅午餐亦都有好多唔同嘅选择 例如会有粉面啦 会有一般嘅 炒粉面饭啦 又会有一啲特色嘅咖哩 其中有一个叫牛魔王咖哩饭 辣辣地 几特别几好味㗎 佢嘅价钱唔贵 我自己觉得佢畀茶餐厅略为平一啲添 但系食嘅种类就有好多 味道亦都唔错 喺葵兴返工 食呢一间 系一个唔错嘅选择
继续阅读
之前食佢嘅瑞士鸡全翼捞公仔面好好食，今次想试吓其他，食清淡少少就叫咗个// 美丽之最. 意式杂菜火腿通粉 配烚蛋沙律 加双拼三文治冇谂过个火腿通粉系用罗宋汤做汤底，超抌本，超好食！！！啲通粉完全唔系平价货，系会有咬口同好挂到汤、厨师仲煮得劲完美，唔会太腍，食到最尾都唔会吸晒水发胀。嚟到俾个双拼三文治吓亲劲大份但系个三文治劲有诚意，系厚切面包再加超多馅料！叫咗咸牛肉同蛋沙律两个唔同料强烈推介大家要+$2 烘底，完全系会食到外脆内软！(图中今次我系冇加烘底，但食唔晒攞咗返屋企焗返=烘底，系爆炸好食！下次一定+$2)另外想讲佢杯热杏霜少甜花奶，超 好 饮！！！必定encore!!!Ps 特别想赞吓个女侍应，我见沙律入边有好多炭屎黑点，相信系师傅切蛋嘅时候把刀冇抹干净而导致，所以叫侍应换过新嘅，佢真系繁忙时间都认真处理，态度良好，换咗新、干净嘅蛋沙律谢谢你
继续阅读
每次星期六瞓晏左又想食早餐, 就会去 瑞士冰室，早餐由7:00am-12:00pm, 去边到揾呀！当brunch超值今次点了雪菜肉丝米, 奶酱多士(加4元)及热奶茶热饮是比一般茶记大杯, 奶茶合我口味 雪米唔会鞋口,煎蛋正常不油终于发现自助点餐好处, 这系统可选多汤,少汤, 奶茶可选茶味浓啲..等,减少人手出错 虽然地点较隐瞒, 但环境整洁, 唔会挤迫感,早餐选择多跟餐有丹麦多士, 另可追加小食, 味道不错, 出餐又快, 职员态度ok, 整体感觉良好, 会再来
继续阅读
4点几先放饭,近近哋,去咗瑞士咖啡室,因为职员要埋数,所以先埋单,之后放低电话喺櫈,返到公司揾唔到电话,最后记忆喺餐厅用过,再打自己电话系冇人听而唔系唔通,第二朝打去餐厅问,收银姐姐话经理见部电话,感激你帮我先收起,我相信你不会要报酬,我已经代你捐款,功德回向你🙏🏻
继续阅读
第一次去这间怀旧香港特色茶餐厅，我哋五点几去，好彩去到有位坐，唔使等。我哋谂住简简单单食个下午茶，所以两个人叫咗肠仔面🍜、火腿奄列配多士、冻咖啡🥤、西多士配瑞士鸡髀🍗😋！讲真，其他食物都系正正常常，冇乜特别。我最欣赏个西多士配瑞士鸡髀！！瑞士鸡髀热辣辣，鲜嫩多汁，又好入味🥰yummy好耐冇食过西多士，觉得零舍好食😆听讲间餐厅都好多年，我第一次嚟。其实我好少食茶餐厅，觉得都唔错呀！就写个食报同大家分享吓
继续阅读