影片
更多
2010-05-10
19 浏览
身為街坊，一直想試下呢間店，幸得男友提醒，今日終於黎呢度試下。bravo latata門前都幾攪笑，樓上有間平價酒店set左個流動booth晌度招客，令間餐廳變得不太起眼。而且佢門口又無擺menu，有咩食唔知，幾多錢又唔知。如果唔係OR有好評，的確唔敢貿貿然殺入去...set dinner唔貴，$75左右，有caesar salad+湯+main dish+dessert+coffee/tea。我地叫左一個薄荷奇異果汁燒羊架，一個海鮮蕃茄汁天使麵。本來想order白酒青口不過佢話青口已經賣哂...通常食set dinner對個caesar salad都無咩期望，但bravo latata既caesar salad真係交足貨!份量唔算少之餘，羅馬生菜同紫椰菜都好新鮮，煙肉碎係微微煎香，並唔係炸到好似塑膠粒咁，我一向對bacon無好感都掃哂! 麵包粒亦都好脆口!接著係餐湯，南瓜湯&蕃茄湯各一。南瓜湯一上檯先聞到香草味稍強，但飲落就俾南瓜做返主角，清甜又濃稠適中。至於蕃茄湯就味道微酸夠開胃!個羊架我地order七成熟既， 不過切落去就覺得應該有八成熟喇。雖然熟左dd，不過都唔會太老。而且件羊
bravo latata門前都幾攪笑，樓上有間平價酒店set左個流動booth晌度招客，令間餐廳變得不太起眼。而且佢門口又無擺menu，有咩食唔知，幾多錢又唔知。如果唔係OR有好評，的確唔敢貿貿然殺入去...
set dinner唔貴，$75左右，有caesar salad+湯+main dish+dessert+coffee/tea。我地叫左一個薄荷奇異果汁燒羊架，一個海鮮蕃茄汁天使麵。本來想order白酒青口不過佢話青口已經賣哂...
通常食set dinner對個caesar salad都無咩期望，但bravo latata既caesar salad真係交足貨!份量唔算少之餘，羅馬生菜同紫椰菜都好新鮮，煙肉碎係微微煎香，並唔係炸到好似塑膠粒咁，我一向對bacon無好感都掃哂! 麵包粒亦都好脆口!
接著係餐湯，南瓜湯&蕃茄湯各一。南瓜湯一上檯先聞到香草味稍強，但飲落就俾南瓜做返主角，清甜又濃稠適中。至於蕃茄湯就味道微酸夠開胃!
個羊架我地order七成熟既， 不過切落去就覺得應該有八成熟喇。雖然熟左dd，不過都唔會太老。而且件羊架唔太肥(我都唔明點解成日晌出面食羊架都係有一大舊肥膏黐住)，同埋佢個薄荷奇異果汁好得!!!!! 因為有奇異果既酸甜，感覺個羊架唔會咁滯，而且無平時齋點薄荷醬咁甜同咁假! 伴碟既angel hair叉起好似硬左d咁，但食落有蒜香，又唔差喎~
至於海鮮蕃茄汁天使麵，蕃茄汁唔算太重手，反而帶點甜味，angel hair就軟硬適中。伴碟既迷你車厘茄好新鮮!至於海鮮，其實都係得兩隻蝦仔兩隻墨魚仔，味道一般而已。希望佢考慮下加多幾款海鮮例如青口&蜆仔等等，令個main dish感覺豐富d。
好喇，去到喜羊羊最期待既dessert，係cheese cake!!! *o*~~ 質地綿密，芝士味濃，係個餅底離開左個cake body少少，失左dd分0者。我覺得佢如果單品賣$25，都值架! (當然而家set dinner送埋梗係good啦!)
餐茶我地叫左熱朱，我最欣賞係店員哥哥係用咖啡機既蒸氣噴咀將鮮奶加熱同埋打泡沫，加落杯朱古力度真係好味好多。以$75/set既價錢，呢個晚餐絕對係驚喜連連。
bravo latata既位置晌染布房街既正中，無疑係比較"墮角"。但之前既有石磨坊同糖百府由呢度發跡，我希望bravo latata會係第三個奇蹟。因為，有心、肯用好食材、又唔係收得貴既食店實在好難晌香港經營。已經見過一家又一家用心經營的好味小店黯然離場，憑我不過一個小小食客，可以做的，大概就只有這麼多了。
张贴