樂天經典 (已結業)

收工之後同同事去附近搵餐廳食飯，經過見到呢一間餐廳專門食中菜，二話不說就入去試吓。呢度有自家製涼茶提供，我隨即叫了一杯檸檬薏米水，熱飲的，飲落去好暖胃。四個人當然揀不同款式嘅小菜，多人可以叫多啲小菜試吓。特別一讚餐牌的食物有可以按人數份量叫，分別有大中小size選擇，外面的餐廳沒有這樣的服務呢！見到餐牌嘅圖片咁吸引，隨即叫咗一份蒜香排骨🥩，炸得香脆可口，恰到好處，而且肉質鮮嫩，非常好食。一向鍾意飲湯水嘅我，叫咗一煲老火湯淮山杞子螺頭湯，職員招呼周到，仲幫我地舀起，配料都非常足料，包括有雞腳、攞頭及豬展等等，湯味道鮮甜，雞腳皮好林，好入味。餐牌上嘅蟹有不同嘅烹調款式選擇，圖片亦很吸引，朋友不喜歡吃辣，但喜歡吃蛋黃，所以點了黃金焗蟹(中)。他們大讚蟹大隻好有肉，蟹肉爽口彈牙，食出鮮味，而且蛋黃醬汁是厚厚的，味道很濃郁。還有金銀蛋浸時蔬、滑肉米線及甜品三色桂花斑蘭糕等，每人平均消費$300有找，性價比高，而且呢一餐非常豐富，飽肚滿足。