何洪記 (已結業)

今日好趕時間...其實我都唔係好明白,點解時時都唔夠時間用嘅?今餐呢度解決.應該唔錯掛?!叫咗個雲吞 + 水餃雲吞算ok嘅,材料過得去咁啦.不過比唔到好實在果種口感我...我嘅意思係,料...比較碎...唔似有 d 舖果 d ... 有大塊 d 嘅蝦肉等你食得到彈牙同滿滿嘅蝦鮮 feel ...d 水餃比雲吞做得好.餃內起碼有多 d 唔同嘅才料丫...食起嚟口感都好 d .不過最最最大嘅問題係:都唔滾嘅?用雙手都可以長捧住個碗果種.雖然做得唔錯,但係...我就唔 like 喇.反而呢個爽滑魚皮有驚喜.真係貨真價實,又爽脆,又好食!