Mirage Bar & Restaurant

营业中

休息中

約朋友午飯，想找一個較靜，可以傾計的地方，我大力推薦位於灣仔萬麗海景酒店一樓的Mirage Bar and Restarant. 餐廳設計10分開陽，樓底超高，有落地大玻璃，雖然只在一樓，但感覺亦相當光猛。餐廳座位設計本身不算擠迫，可算是保持了社交距離，呵呵😄，所以相當適合靜靜地傾下偈。我同朋友，都揀咗一樣的頭盤-黃鮨吞拿魚雲吞，好好味好足料。主菜，我們都選擇了沙律，一個配鷄胸，一個配三文魚。雞胸始終有少少鞋，但可以接受。三文魚焗得剛好，不過老，仲有肉汁，是好味的。唔好以為食沙律唔飽，份量係主菜的份量呀，所以足夠食飽你！沙律菜好新鮮，又乾水，我倆都食唔晒！食完已經飽咗。每份甜品：一件cake, 兩粒馬卡龍，一杯仔生菓，不多不少，剛好！幸好只吃沙津，因為食埋甜品好飽了。很喜歡這裡的環境，感覺很休閒，又不嘈吵，我是會願意比多少少錢，換取寧靜空間的人，可況食物及服務都算ok，所以我不時都會幫襯。