點心宅急便 (已結業)

星期六下午落住大雨,想搵個地方hea下食下點心。點心宅急便係一個好選擇,下午2點幾去到,有大把位,室內裝修似食日本野,靜靜地坐得都幾舒服。但係白色膠枱布有好多茶漬,其實唔用枱布仲好。兩個人食咗5款點心,茶錢$5位,算係咁,但係冇得選擇飲乜茶。鮑魚雞粒千層酥$48/件,唔記得影相tim。呢個係招牌菜,可以只叫一件。用十二頭南非乾鮑,味道OK。有蝦餃,黑松露餃同菜苗餃。個皮都幾分chewy,用料夠多。味道幾特別,真係有陣陣黑松露既香味。我比較鐿意呢個多過鮑魚雞粒千層酥,隻餃加咗好多菜苗,幾fresh。本來俾個樣嚇親,因為好黑。但係味道唔錯,有d黑糖味。整體來說點心味道唔錯,坐得舒服,價格ok,會再來。