黑門水產すいさん (棉登徑)

Mon 8 Apr 友人有嘢傾，老實講撞入去原本係貪佢唔使等位，唔係好迫，要求嘅都係搵個地方坐得舒服傾吓嘢，原本對食物唔係好大期望。入到去睇佢裝修都幾似樣，乾淨企理。好快叫咗幾樣嘢，咁就同友人開始雞啄唔斷。- 原來佢哋 甲羅燒 薄有名氣，一試果然唔錯，蟹膏味濃，溝出嚟有浸浸嘅蛋香，用梳打餅上又顯出本地風格。- 三文魚加州反卷，簡簡單單冇花巧，魚生 醋飯乜乜蟹籽青瓜雞蛋絲 又幾好食，一嚿接住一舊，轉頭就食晒。- 角切海鮮沙律，嘩呢個比預期中好，有幾款刺身份量又多，好似食極都有咁。- 豚肉蘆筍串，一樣係比預期中好，腩肉肥瘦適中，燒得微微嘅燶邊好香口。