Ikigai Concepts (已結業)

前一排係IG見幾個朋友都去左食「IKIGAI CONCEPTS」，我都忍唔住叫埋朋友一齊去試下！餐廳環境比起喺IG朋友story見到嘅感覺更加大，座位同座位之間好多空間，成個風格都好有特色！今次就試咗朋友推介嘅炭燒牛舌丼，真係好好食！用炭火燒，個牛舌特別香，完全唔韌。味增湯都好好飲，茶碗蒸更加係加分點，成個餐分量十足。朋友就試左吉列鹿兒島黑豚咖哩飯，個咖喱好特別，諗唔到用蔬果去煮，個味道可以咁有層次，同普通咖喱分別好大。黑豚肉都炸得好好，保留左豚肉嘅肉汁。總括而言，是可以encore嘅餐廳。