北京水餃店 (已易手) 新餐厅

尖沙咀有好多食店選擇，今日兩個人想平平地，又想食啲簡單野，諗起近佐敦果邊既後街有間成日都坐無虛席既水餃、麵食小店，決定幫襯一下。大蔥餡餅睇黎係招牌菜式，叫左個羊肉大蔥餡餅黎試下，比較油，但味道不錯，蔥油味係香既，羊肉餡略鹹但唔會羶。配埋一杯凍豆漿，正。再叫左一碗水餃拼雲呑，仲有一碗東玻肉麵。水餃皮較厚，雲呑則整得唔錯，餡料份量適中。個麵我只係食左少少，只係記得麵條算彈牙，東玻肉都幾入味，湯底都幾濃味下。