影片
更多
2019-09-06
72 浏览
話說都兩年幾無寫過食評，點解會無啦啦又寫呢，純粹因爲太得閒(˶‾᷄ ⁻̫ ‾᷅˵)今日女朋友約左囡囡係旺角食女僕cafe,咁我當然唔會跟去啦，因為去到一定會比人話我𥄫女 ¯\_(ツ)_/¯ 呢啲咁低級既陷阱我當然係唔會上當啦如事者送左女友出到黎旺角泊好車之後就去左愛協玩貓，隻貓貓真係好可愛好貪玩，搞到我玩到人地愛協收工先捨得走(´･_･`)#領養不棄養玩完貓貓之後本身就諗住求求其其搵間茶記填左個肚就算，但係諗諗下⋯女朋友而家同一班女僕妹妹玩到不亦樂乎，所以我決定把心一橫食好西ψ(｀∇´)ψ返返正題，係我搵緊好西時，聽到有個姐姐話入面有沾麵食，我二話不說即刻上⋯openrice睇下食評先_(:з」∠)_睇左好多師兄師姐既食評之後，我抱住一個take野衰硬既心態入去一試，無錯，你無睇錯，我係預左輸既心態走入去賭呢一碗麵的⋯因爲呢間主打都算係雞白湯底，而我食過金X拉麵(唔直接開名啦)之後，其實都幾肯定香港好難搵到一間比佢好的了⋯餐廳裝修其實唔錯，但環境所限座位會有少少逼夾，但我覺得問題不大的，相可以睇返其他食評。入去門口既右邊係點餐機，雖然部機顯示只係接受八達通同信用卡，但你同店員妹妹講比現金的話
今日女朋友約左囡囡係旺角食女僕cafe,咁我當然唔會跟去啦，因為去到一定會比人話我𥄫女 ¯\_(ツ)_/¯ 呢啲咁低級既陷阱我當然係唔會上當啦
如事者送左女友出到黎旺角泊好車之後就去左愛協玩貓，隻貓貓真係好可愛好貪玩，搞到我玩到人地愛協收工先捨得走(´･_･`)
#領養不棄養
玩完貓貓之後本身就諗住求求其其搵間茶記填左個肚就算，但係諗諗下⋯女朋友而家同一班女僕妹妹玩到不亦樂乎，所以我決定把心一橫食好西ψ(｀∇´)ψ
返返正題，係我搵緊好西時，聽到有個姐姐話入面有沾麵食，我二話不說即刻上⋯openrice睇下食評先
_(:з」∠)_
睇左好多師兄師姐既食評之後，我抱住一個take野衰硬既心態入去一試，無錯，你無睇錯，我係預左輸既心態走入去賭呢一碗麵的⋯因爲呢間主打都算係雞白湯底，而我食過金X拉麵(唔直接開名啦)之後，其實都幾肯定香港好難搵到一間比佢好的了⋯
餐廳裝修其實唔錯，但環境所限座位會有少少逼夾，但我覺得問題不大的，相可以睇返其他食評。
入去門口既右邊係點餐機，雖然部機顯示只係接受八達通同信用卡，但你同店員妹妹講比現金的話佢會有張卡幫你嘟的。
同時店員妹妹會簡單介紹一下餐廳既食物，無錯，只係簡單介紹，太深入既制作方法等等既問題係唔清楚的（雖然只係我問題多多）
點完餐之後店員妹妹會帶妳埋位等開餐，坐低之後第一個問題黎啦，水係室溫無冰的。
呢個係日本傳統既問題，有興趣既朋友可以自己google下點解日本餐廳會提供冰水。
而對我黎講呢，冰水就比起室溫水就更能夠清一清味蕾，雖然之前已經睇食評睇到無冰水，但都真係會唔開心既⋯
坐低無耐主菜就上場了。(((o(*ﾟ▽ﾟ*)o)))
擺碗真心覺得幾好，賣相的確吸引既
牛肉真心幾好食，不過正如其他師兄師姐話齋，薄薄兩片略厭孤寒。順帶一提，滴幾滴青檸汁落塊和牛度有幾清新幾好食。
筍就太大舊，如果切返細少少會比較開心。
麵黎講就真係偏𣺉，並沒有特別彈牙，食到底時更加會發現碗底有唔小既水，好明顯無處理好飛水既情序。( ･᷄ὢ･᷅ )
湯底方面夠哂杰身，但可惜既係雞味唔出，可能個湯底都係用返普通雞殼煲煮並沒特別鮮甜（純粹個人推測，無向店員求證）。
食哂之後正常情序加湯飲埋佢，留意返，加左湯之後反而幾好飲，呢度我係有少少覺得有趣的。(⁎⁍̴̛ᴗ⁍̴̛⁎)
和牛雞白湯沾麵
$128
6 浏览
2 赞好
0 留言
食飽飲哂之後我就問店員可唔可以出去出面戶外坐位坐，店員表示可以，於事我就坐左出去打食評了，唔經唔覺就係度食加坐左個半鐘，全程餐廳都係keep住有客入的（利申我真係無阻到人做生意嫁）
最後真係要讚讚呢間餐廳既門口姐姐同埋樓面兩個妹妹，佢地真係好有禮貌好好笑容，真心唔係佢地我可能可能可能負左評ಠ_ಠ
總括而言無比較既話其實都可以既，不過128呢個價錢黎講我就真係唔會推介呢度既雞白湯沾麵。如果有興趣黎試既朋友我會建議試下濃雞白湯拉麵，另外見到有師兄師姐話蝦湯沾麵可以一試。
黎緊會打返多啲食評嫁啦
評分都會愈黎愈嚴謹
大家一齊跟住呠仔GO٩(˃̶͈̀௰˂̶͈́)و
张贴
