TIT*F (已結業)

响銅記中央圖書館附近嘅呢間麵包小店，好似評價不俗。响天后食完串燒後，慢慢散步嚟呢度，買番兩個麵包聽日做早餐....嘩....size真係大得可以，差唔多真係同一個嬰孩臉一樣咁大，拎上嚟亦相當墜手吓，flour嘅density似乎相當高....呢度標榜賣嘅係"healthy bread & cake"，大部份用嘅都係全麥材料。但食落口，麥本身粗糙感卻不重....吞拿魚包餡料極多，食落有點微辣；包本身size已是極大，加埋包面上仲滲上許多芝士粉，食完真係唔使食lunch嘞...幫太座買嘅薯蓉火腿芝士包又係重量級之作。但食嚟食去都淨係食到薯蓉及芝士。D火腿飛咗去邊?水準還可以，勝在夠大個。食一個可以抵二餐la...