船皇 (厚福街) (已結業)

船麵係香港好似唔多地方有得食，但係原來出名多食肆嘅厚福街內就有一間！因為知道船麵都係份量較細嘅，所以叫咗個大船皇湯麵，仲要係和牛版本架！有4種麵底揀一我就揀咗金邊粉，另外仲可以揀蛋麵、米粉、同河粉。呢個大船皇湯麵係係好大，配料多，麵多，所以到最後食食到好飽。麵內當然有和牛啦，仲有肉丸、雞翼、豬肉等等，好多料阿，好豐富！d和牛好大一片，加上係薄切，配搭船麵嘅湯底同麵，好易入口，唔會好漏或太重口味，依然有湯嘅特色味道。旁邊有不同調味可以隨意加，平時我會加少少魚露，等湯嘅味再特出啲，不過呢個湯都幾濃味，唔加魚露都好足夠。另外仲叫咗杯野飲，裝飲品嘅係一隻好靚嘅碗，本身我見到隔離桌上有呢隻碗我以為係甜品嚟，原來係裝飲品嘅，好特別，份外多咗d泰式傳統感覺。