麻酸樂米線專門店 (已結業)

尋晚突然好想食米線，拉咗男朋友試下從未試過0既麻酸樂~叫咗二人餐，有兩碗兩餸米線，一碟菜，一個拼盤同兩杯飲品，盛惠$98~男友怕酸，所以要咗豬軟骨雲吞麻辣米線圈(大辣)，我就要豬軟骨豬頸肉酸辣米線(中辣)。兩碗米線份量ok但米線稍為太腍同唔夠辣，食得辣0既朋友不況叫大辣~菜方面我地揀咗金銀旦菠菜，點知呢個係最難食，湯多過菜，咸旦同皮旦都唔知有無1/4隻...成碗垃圾水咁，賣相核突，無厘味道，一個字:差!不過，令我地意外0既係個拼盤，外形普通，但種類多同好味，有麻辣豬耳，涼拌木耳，炸雲吞，炸雞翼同老水鴨腎。全部都好入味，唔會太辣。飲品係普通茶記選擇或自己加$轉台式飲品~因為唔多人關係，可以坐四人枱，卡位幾舒服，但二人卡位就比較逼。侍應都算留心同有禮貌，一舉手就會埋黎&自動自覺收野~整體算ok，而且幾抵食~