影片
更多
2022-01-03
32 浏览
一向知道呢間餐廳出名佈置靚，好適合打卡，所以一直都好想嚟，聖誕期間就約咗朋友嚟呢度嘞，果然入到去就見到好多乾花佈置，超級靚，果然冇令人失望！食物嘅選擇都好多，好多都好吸引咁！揀左好耐終於揀到想食咩，首先嚟左兩杯飲品，兩杯都好靚好適合打卡，不過除咗賣相靚之外，味道都唔錯，荔枝梳打唔會死甜，真係好香荔枝味！而玫瑰抹茶真係超級靚，忍唔住瘋狂幫佢影相，而且味道都超級好，味道好濃郁！黑松露薯條超級新鮮滾熱辣，熱到食唔到，店員仲話黑松露醬可以再添，呢個配搭真係超級好食！帶子意大利飯超級好食，帶子煎到啱啱好，食到帶子嘅鮮甜，佢個表面仲要煎到少少香口咁，真係大力推介！個飯creamy 得嚟仲加入洋蔥、野菌等嘅配搭，好有口感！卡邦尼意粉再加埋溫泉蛋呢個配搭又係一流，溫泉蛋本身已經煮得啱啱好，唔會過熟過生，溝埋落去意粉令味道更濃郁！我哋仲好貪心咁叫咗兩個甜品，日式芝士蛋糕味道夠清，朱古力法式蒙布朗就係好濃郁嘅朱古力味，超級邪惡但又超級好食！總結，呢度咁靚淨係嚟打卡都值回票價，加上食物又真係好食，所以我會再同朋友嚟！
食物嘅選擇都好多，好多都好吸引咁！
揀左好耐終於揀到想食咩，首先嚟左兩杯飲品，兩杯都好靚好適合打卡，不過除咗賣相靚之外，味道都唔錯，荔枝梳打唔會死甜，真係好香荔枝味！
而玫瑰抹茶真係超級靚，忍唔住瘋狂幫佢影相，而且味道都超級好，味道好濃郁！
黑松露薯條超級新鮮滾熱辣，熱到食唔到，店員仲話黑松露醬可以再添，呢個配搭真係超級好食！
帶子意大利飯超級好食，帶子煎到啱啱好，食到帶子嘅鮮甜，佢個表面仲要煎到少少香口咁，真係大力推介！個飯creamy 得嚟仲加入洋蔥、野菌等嘅配搭，好有口感！
卡邦尼意粉再加埋溫泉蛋呢個配搭又係一流，溫泉蛋本身已經煮得啱啱好，唔會過熟過生，溝埋落去意粉令味道更濃郁！
我哋仲好貪心咁叫咗兩個甜品，日式芝士蛋糕味道夠清，朱古力法式蒙布朗就係好濃郁嘅朱古力味，超級邪惡但又超級好食！
總結，呢度咁靚淨係嚟打卡都值回票價，加上食物又真係好食，所以我會再同朋友嚟！
张贴
